Ахмети им најде маана и на новите полициски униформи. Според неговата ДУИ, најавата за ребрендирање на македонската полиција со нова облека претставувало скандалозно, бидејќи натписите ќе биле само на македонски јазик.
„Овој чин претставува флагрантно кршење на принципите на Охридскиот договор и на Законот за употреба на јазиците, кој гарантира еднаквост и двојазичност во државните институции, особено на полициските униформи“, се вели во соопштението на ДУИ.
Според нив, ова не било изолиран случај, туку континуитет на, како што велат, дискриминаторската политика на ВМРО-ДПМНЕ, која веќе има иницирано во Уставниот суд укинување на албанскиот јазик како службен.
„Бараме итно повлекување на оваа дискриминаторска одлука, заменување на полициските униформи со двојазични натписи, согласно законот, и јавно извинување од албанските партии на власт кои го одобрија овој срам“, велат од ДУИ.
