Струшкиот адвокат Глигорие Ќатоски прв и засега единствен во државата поднесе инцијатива до Уставниот суд по настанатиот хаос со личните документи за кои граѓаните до последен момент не беа информирани дека треба да ги менуваат.
Гневен на државата вели,-како и секој македонец и јас се затекнав во тој хаос,министерството за внатарешни работи требало да знае дека согласно обрските превземени со преспанскиот договор, ваквите документи почнувајќи од 12-ти февруари 2019-та година требало да ги издава со новото име на државата.
- ”Самата држава, односно министерството ме доведе во ситуација значително да ми биде ограничена слободата на движење во државата и надвор од државата, со што сметам дека значително е загрозено и уставно загарантираното право на слодободно движење во државата и надвор од неа.Со тоа сметам дека државата ме поставила на една пониска положба, односно во дискриминирачка положба према граѓаните кои што извадиле документи во втората половина од 2021-ва година кога министерството за прв пат започнало да ги издава овие документи со новото име”-вели адвокатот Глигорие Ќатоски.
Доколку Уставниот суд утрди дека станува збор за дискриминација граѓани кои што се чувствуваат загрозени во своето право на слободно движење во државата и надвор од неа, ќе може да се поднесе соодветна постапка за надомест на штета пред судовите во државата,појаснува Ќатоски.
- “Ова е едно апсолутно неодговорно однесување од страна на нашите политичари.Првично беа давани изјави од портпароли на Влада дека документите консекветно како истекува рокот ќе бидат заменувани,не бевме навремено известени дека треба да се изврши промена и на возачки и на сообраќајни дозволи,нема доволно обрасци за пасоши.Јас се сметам дека сум млад човек, за мене ова е разочарувачки”-додава Ќатоски
Ваквото однесување на државните органие недозволиво и крајно разочарувачко и спрема оние млади кои што решиле на некој начин да ја градат својата иднина во државата,вели надежен струшки адвокат.
Новинар Росица Голабоска
Снимател,монтажа Златко Маневски
