Заврши изградба за продолжување на булеварот Благоја Тоска, од кружниот тек кај касарната „Кузман Јосифоски-Питу“ до регионалниот пат Тетово-Јажинце, каде е изграден и нов кружен тек.
По тој повод Општина Тетово одржи настан за промоција на новиот сегмент на булеварот Благоја Тоска, кој е со должина од 557 метри.
-Конечно, по многу подеми и падови и многу предизвици, оваа важна патна оска на Тетово се завршува со прекрасен проект, кој ќе им служи не само на жителите на ова подрачје, туку и на сите граѓани на Тетово и на сите оние кои ќе поминат низ Тетово за да одат кон Општина Теарце или дури и кон Република Косово, истакна градоначалникот Биљал Касами.
За да се изгради новата делница на булеварот се потрошени околу 400 илјади евра.
