Трагедијата во модуларната болница каде луѓе изгореа живи, молење по комшии за вакцини, набавка на истите од сомнителни фирми од Хонг Конг кои се занимаваат со увоз на јужно овошје, поткуп – вака СДСМ, која сега критикува, се справуваше со ковид кризата. Премиерот Христијан Мицкоски смета дека јавноста имала шанса на своја кожа да осети како социјал-демократите се справувале во кризните состојби додека биле на власт.
Заборави да ја спомне мерката неколку десетици милиони евра уплатени на компанија од Хонг Конг, која што наместо специјализирана за набавка на вакцини, е специјализирана за трговија со јужно овошје.
Заборави да каже за бруталниот поткуп на изборите во две илјади и дваесеттата година, кога со уредби со сила на закон се менуваа закони во пет до дванаесет.
Мицкоски обвини дека опозицијата селективно ги прикажува мерките од ковид-периодот, избегнувајќи да зборува за, како што рече, најтешките последици и спорните одлуки од тоа време.
Но граѓаните гледаат. Тие повторно ги навредуваат граѓаните и мислат дека политиките на СДСМ и ДУИ од минатото може да ги споредуваат со политиките од оваа Влада, а граѓаните тоа го гледаат. И, впрочем, тоа го кажаа и на претходните локални избори, а ќе го кажат и тоа на следните парламентарни избори.
Инаку, лидерот на СДСМ, Филипче, оцени дека мерката за намалување на ДДВ за горивата е задоцнета и недоволна, тврдејќи дека граѓаните нема да почувствуваат реално намалување на цените. Според него, Владата три недели не реагирала навреме, дозволувајќи, како што рече, растот на цените на горивата да повлече поскапувања и кај храната.
