Среде глобални шокови, македонската економија на некој начин може да биде и смирена со оглед на она што се случува во делот на инвестициите во големите инфраструктурни проекти, но и најавите за бран инвестиции во зоните и надвор од нив. Во делот на инфраструктурата клучни се коридорите за кои поддршка имаме и од Светска банка, со чии претставници вицепремиерот Александар Николоски ќе разговара за време на неговата посета на Вашингтон.
Николоски во наредните три дена ќе има важни средби во Стејт департментот, а ќе биде и еден од главните говорници на Годишниот форум за транспорт.
