Во активностите за собирање на повремено акумулиран отпад и чистење на неуредени јавни површини спроведени од почетокот на месецот во Крива Паланка, собрани се над триста вреќи разновиден отпад, информира службата за комуникација со јавноста на општината.
-Општина Крива Паланка во првата декада од месецов организираше и реализираше низа aктивности спроведени преку ангажирање лица од програмата на АВРСМ, составен дел од втората област на Програмските активности за вршење јавни работи- заштита и унапредување на состојбата на животната средина. Во тој контекст, беше спроведено собирање разновиден отпад од непосредната околина на големите маркети во градот, околината на поранешни индустриски капацитети, меѓу кои: „Карпош“, „Кланица“, „Треска“ и други помали објекти, како и од регулациони корита на Крива Река, Домачки Дол, долниот дел од долот „Единство“, како и покрај патот кон локалитетот „Ловачки“. Во рамки на овие активности се собрани над 300 вреќи различен вид отпад, кои Јавното комунално претпријатие „Комуналец“ ги транспортираше и депонираше на комуналната депонија, информира службата за комуникација со јавноста на Општина Крива Паланка.
Општина Крива Паланка денеска спроведе едукативна кампања за правилно постапување со зелениот отпад, во рамки на ЕУ-проектот за поддршка на регионалните системи за управување со отпад.
Покрај тоа, во рамки на активностите од областа на заштита на природата и екологијата, спроведени се и работилници со дечињата од градинката „Детелинка“ и учениците од ООУ „Илинден“ за компостирање на зелениот отпад, со акцент на едукација истиот да се одложува во биокомпостери.
-Со компостирање: ја чуваме природата, штедиме средства, создаваме поквалитетна почва. „Нас не ни е тешко – ние сме спремни“, порачаа најмладите, потсетувајќи дека промената започнува од секој од нас, додаваат од општината.
