Оштетен е преминот на реката Блашница поради надојдена вода, се работи за реката што се влева во Тиквешко Езеро, а немањето премин им отежнува на луѓето да стигнат до другата страна на реката. Оваа информација ја потврдија денеска од месната заедница на село Клиново.
– Како последица од надојдената поголема количина на вода во реката, а поради врнежи од дожд и топење на снегови, оштетен е преминот, пред вливот на реката во езерото, појаснија од месната заедница.
За новото оштетување на преминот го известиле градоначалникот на Кавадарци, Митко Јанчев.
– Добивме ветување дека штом дозволат временските услови, за да може да работи механизација, ќе се санира оштетувањето на преминот, подвлекоа од месната заедница.
Притоа, потсетија дека станува збор за дел од Тиквешко, богат со природни убавини за различни видови на туризам и овде имаат изградено викендици голем број на луѓе кои потекнуваат одовде, но и вљубеници во природата од други краеви на државата.
