Алфа ТВ побара од Министерството за внатрешни работи колку и какви прекршоци биле изречени преку безбедносниот систем „Сејф сити“ во текот на вчерашниот ден. Од таму ни одговорија дека за минување на црвено светло констатирани се 64 прекршоци, од кои на територија на Скопје 35, Тетово пет, Куманово 24.
- „За возење со брзина поголема од дозволената констатирани се вкупно 582 прекршоци, од кои 445 во Скопје, 36 во Тетово, 31 во Куманово и 70 на коридорите“ стои во одговорот од МВР.
Притоа биле изречени вкупно 101 забрана за управување на моторно возило по основ на двата вида на прекршоци.
