Реконструкцијата на спортската сала Расадник е при крај и следниот месец треба официјално да биде пуштена во употреба, изјави премиерот Христијан Мицкоски одговарајќи на новинарско прашање при денешната посета на општина Гази Баба.
– Мислам дека е при крај и дека веќе следниот месец или месецот потоа најдоцна, треба и таа да се пушти во употреба, исто како и салата во склоп на универзитетскиот кампус на Универзитетот „Свети Кирил и Методиј“ – рече Мицкоски.
Поосчи дека се прават уште сали – три во Скопје, во Крушево и во други градови.
– Зборуваме за десетици нови објекти што се прават. Дали е тоа доволно, не е. Запуштено било долго време, ништо не се правело. Дали треба уште? Да, треба, и ќе правиме уште вакви проекти бидејќи, реков, најмладите, децата, ни се најважни и тие ни се приоритет како Влада – истакна Мицкоски.
