По само два дена работа, Агенцијата за храна и ветеринарство го затвори новогодишниот базар во Струга.Ниту една од 9-те поставени куќарки во кои се продаваше храна не биле регистрирани и не ги исполнувале хигиенските услови за работа.
“Деветте куќарки не се регистрирани како оператори со храна во АХВ,дел од нив не се поврзани на градскиот водовод, не е извршена дезинфекција, дезинсекција и дератизација.Вработените лица кои доаѓаат во котакт со храна,немаат извршено здравствено санитарни прегледи”-вели Оливер Миланов-директор на Агенција за храна и ветеринарство
Корисниците на објектите имаат забрана за вршење на дејност додека не ги исполнат условите,а ќе платат и парична казна до 3.000 евра.Градоначалникот воопшто не е загрижен.Според него, се одело како подмачкано.
” Од наша страна како општина веќе се’ е легитимно целата документација е доставена и мислам дека се’ ќе биде во ред”– вели Меди Ќира, градоначалник на Струга
И додека никаде во Европа не постои град кој не е барем симболично украсен, во Струга нема ниту елка на плоштадот.
“Не ќе е ни прв пат ни последен пат,во Струга одбележувањето на нова година не му се посветува многу внимание одамна.Ќе дојдете Охрид на дочек на нова година?Обавезно,ако давате и вечера без пари;- Да сите одиме надвор на базари,меѓутоа кај нас во Струга оваа година, голем пропуст на новиот градоначалник;-Па не знам на што е тоа резултат но во секој случај е недозволиво за еден туристилки град како Струга да не е украсен”-велат граѓаните
Струга како да се наоѓа во Азија,Африка или на Блискиот исток оти само таму нема новогодишни декорации.
“Целата процедура е почната од претходниот совет, изгласано на крајот на август и после тоа тендерот требеше да се објави до ноември.Јас со мојата фунција почнав на 17 ноември и првата работа што ја побарав беше за китењето на градот,но таа одлука од Советот фалеше” -вели Ресул Чолаку-директор на Ј.П. “Комунално ” Струга
Од општината се тешат оти имало и од лошо-полошо, пред 4 години градот се украсувал на 27 декември. Уверуваат дека Струга за брзо ќе блесне во новогодишен сјај со реквизитите за кои биле издвоени 2 милиони денари.
