Владата и понатаму ќе продолжи да ја субвенционира цената на електричната енергија, така што нема да има ценовен шок за домаќинствата. Тоа денеска го посочи премиерот Христијан Мицкоски во врска со најавеното покачување на цената на струјата.
Одговарајќи на прашање на новинарите, Мицкоски истакна дека регулаторот одлучува за висината на цената на електричната енергија. Дали струјата ќе поскапи или ќе поевтини, одредува регулаторот откако ќе ја добие цената што ја утврдува снабдувачот, на неа додадени трошоците на дистрбутерот, на пренос-операторот и конечно трошоците за оганизирање на пазарот на електрична енергија, појасни премиерот.
– Иако претходно како Влада бевме критикувани, и во Извештајот на ЕУ, но и од дел од јавноста дека не спроведуваме еден од чекорите кои се дел од планот за раст, а тоа е либерализација на пазарот на електрична енергија за домаќинствста, јасно кажавме дека тој чекор нема да го применеме, бидејќи ако го примениме цената на електричната енергија нема да биде 63,65 евра туку сто евра за мегават-час. Тогаш вкупната цена на електричната енергија за домаќинствата ќе поскапи за фантастични 50 проценти, рече Мицкоски.
Тој нагласи дека Владата со сиот политички ризик ќе продолжи да ја сувенционира цената на електричната енергија за да се заштити стандардот на граѓаните.
– „ЕВН хоум“ е снабдувачот за 2026 година, а „ЕСМ“ согласно политиките на Владата ги достави вкупните количини што се бараат, согласно јавната набавка. Која ќе биде крајната цена одредува регулаторот. „АД ЕСМ“ поднесе целна цена од 65 евра за мегават-час, што е три евра или околу четири проценти повеќе, но никако над сто евра колку што е пазарната цена, појасни Мицкоски.
