Позната стратегија за неуспешно сценарио – вака дел од аналитичарите ги коментираат изјавите на ДУИ , односно Бујар Османи упатени кон ВМРО-ДПМНЕ и лидерот на паријата Христијан Мицкоски кој според интегартивците бил албанофоб.
Новинарот Цветин Чилиманов за Алфа вели дека не е прв пат партијата од Мала Речица да се служи со ваква реторика , да потегнуваат по картата на национализам за да добијат глас повеќе на претстојните избори. Чилиманов смета дека во недостиг на проекти што можат да ги покажат како нивна работа, оти безмалку две децении беа на власт , тие користат празни зборови.
Навистина, нема за што друго да зборуваат, освен на националната карта, да соберат уште еднаш по стоти пат на албанците, на гласачите, да им ја продадат приказната дека Али Ахмети ја некаков херој, воен, дека само тој ги застапува албанските интереси и така натаму. Повторно, да се протнат и на овие избори, да имаат некаков резултат со кој што потоа ќе бараат да бидат дел од владата со истите тие, нели, албанофоби, националисти, како што велат, вели Цветин Чилиманов – новинар.
Доколку навистина ДУИ сметаат дека ВМРО-ДПМНЕ се албанофобна партија, тогаш се поставуава прашањето зошто тогаш, барем според кажувањата на лидерот на ДПА, луѓе блиски до Ахмети молеле да бидат дел од власта, откажувајќи се дури и од првото собраниско столче.
Зашто нели, слушам дури и од релевантни, нивни до вчерашни коалициски партнери, како Мендух Тачи, дека буквално молеле да бидат дел од владата, дека по било какви, пошто зашто, па било какви услови биле спремни да прифатат да влезат во владата со ВМРО, а сега излегуваат со такви приказни ,дека паралелно го напаѓаат ВМРО, дека наводно биле непријатели на албанците, вели Цветин Чилиманов – новинар.
Инаку вчера, Османи истакна дека првиот човек на Владата бил албанофоб, ги мразел албанците и ги тргал од институциите. На овие обвинувања Мицкоски му одговори дека не бил албанофоб туку криминалофоб и најави борба против, како што вели, политичарите што во политката влегле како голтари,а излегле како милионери.
И додека дел од опозицијата се обидува да ја префрли дебатата на етничко тло, партијата на Мицкоски најавува расчистувања на криминалот и одговорност за секоја украдена пара.
