Претседателката на Комисијата за еднакви можности на жените и мажите, Жаклина Пешевска и Лидија Петкоска, членка на Комисијата, денеска во Соранието остварија работна средба со Кимберли Флечер, претседателка на Мајките за Америка.
На средбата, информираат од собраниската прес-служба, Пешевска ја запозна Флечер со личните и професионални достигнувања, но и предизвици со кои се соочила во својата досегашна кариера како пратеничка, истакувајќи дека жените може да бидат успешни како мајки, но и политичарки.
Во фокус беа прашањата за улогата на жените во политиката, процентуалната застапенот во рамки на локалната, парламентарна и извршна власт во државата, усвојувањето на третиот Акциски план за унапредување на рамноправноста меѓу жените и мажите на Собранието 2025-2027, донесен годинава на Комисијата за еднакви можности на жените и мажите.
-Правото на користење на надоместок за мајчинство за жените земјоделки, заштита од дискриминација и семејно насилство на жените, намалување на ДДВ за менстуралните производи, програми за демографија и за наталитетот, поддршка на лицата кои ќе се вратат од странство, како и спречување на одливот на мозоци итн., се само дел од превземените активности и достигнувања во однос на јакнење и унапредување на улогата на жените во општеството, сподели Пешевска.
Флечер и Пешевска меѓусебно разменија мислење за правниот систем и законодавството на двете земји, моменталната состојба во судскиот систем, воедно споделија и искуство и механизми како тоа да се подобри во иднина.
