Градоначалничката Данела Арсовска изгледа целосно крена раце од Скопје. И покрај тоа што граѓаните со денови се жалат дека градот е преполн со ѓубре и практично се претвори во една голема јавна депонија, нема никаква поголема акција за чистење.
Во обиколка низ градот, објективот на ТВ Алфа забележа контејнери кои се уште беа преполни со секаков вид отпад меѓу кој гранки, пакети, кабаст отпад и секаков вид на расипана и гнила храна кој смрди и го загрозува здравјето на скопјани. Освен контејнерите што се преплавени зафатени се дел од тротоарот и пешачката патека во строг центар од вреќи отпад.
Од јавното претпријатие Комунана хигиена се правдаат – скопјани фрлале премногу ѓубре, па тие не можеле да постигнат. Велат дека во последниве денови се соочувале со огромна количина на комунален, кабаст и градежен отпад како во самите контејнери, така и во нивната околина. Со други зборови, за тоа што главниот град се претворил во депонија, Комунална хигиен ги обвинува скопјани. Од друга страна, граѓаните веќе губат трпение.
Ова не е прв пат скопјани да се соочат со преполни контејнери и канти за отпадоци пред домовите. Пред две години вработените во Комунална хигиена изглегоа на штрајк, а главниот град се гушеше во смет и смрдеа. Одговорност од Арсовска немаше, а градоначалниците од скопскиот регион тогаш ги засукаа ракавите и сами исчистија во своите општини.
Давид Крстевски
