Али Ахмети доби закана од неговиот главен преговарач , Мендух Тачи. Упатените во политичките состојби, го посочуваат токму лидерот на ДПА, како човекот кој директно молел кај Мицкоски за ДУИ да биде дел од Владата на ВМРО-ДПМНЕ. Политикологот Џенур Исени вели дека Тачи го разобличи Ахмети и сите негови тези кои ги тера со месеци.
-Прво треба да кажеме дека Мендух Тачи до вчера беше во Европскиот фронт со Али Ахмети, беше главен преговарач од Европскиот фронт, за составување Влада со премиерот Мицкоски. Мендух Тачи тоа што зборува е тотално разоткривање и демаскирање на целиот наратив на ДУИ овие 15 месеци, бидејќи се што зборуваат не било точно. Од ДУИ, од коалицијата прават многу галама, али не лепат ништо, буквално се како селотејп коалција, изјави Исени.
ДУИ наместо со локални проекти, во предизборието решија да тераат кампања дека наводно преку емисари бил викани во Влада. Според Исени, тоа е очајнички обид на Ахмети да добие барем нешто, бидејќи нивните политики последниве две децении се откриени од сите граѓани.
-Уште во албанскиве средини кандидатите на нивните ривали имаат канализација, водовод, патна инфраструктура, значи 20 години ДУИ раководеше со тие општини. Затоа кога знае дека со тој наратив ќе изгуби и нема што да понуди, затоа што во овие година и пол додели пари од унгарскиот кредит, што градоначалниците не се дел Влада, изјави Исени.
Инаку според информациите кои кружат во јавноста, ДУИ биле подготвени да се откажат и од позицијата собраниски спикер, само за да бидат дел од Владата на ВМРО-ДПМНЕ. Тачи јавно кажа дека се кае што воопшто влегол во „Европскиот фронт„, кој сега го напушти, и дека лидерот на ДУИ, Али Ахмети, за разлика од премиерот Мицкоски, бил тој што го прекршил дадениот збор. Потенцираше дека го почитува Мицкоски, бидејќи го исполнил ветувањето да не го земе Ахмети во власта. Порача дека ако ДУИ продолжат да манипулираат јавно ќе обелодени колку пати ДУИ молеле кај лидерот на ВМРО-ДПМНЕ.
Матеја Петровски
