По пожарот во Трубарево измерени се високи концентрации на честички и тешки метали, моментално нема надминување на граничните вредности

Министерството за животна средина и просторно планирање информира дека резултатите од спроведеното мерење на квалитетот на воздух во Трубарево, на 13-ти и 14-ти септември, по пожарот во складот на „Ф-Групација ДООЕЛ“ покажуваат значително надминување на дозволените граници за „PM10“ честички, олово, кадмиум и арсен, како и дека биле измерени високи концентрации на честички и тешки метали. Во истото соопштение Министерството информира дека резултатите од тековното мерење на квалитетот на воздух во Трубарево, спроведено на 18-19 септември, покажуваат дека моментално нема надминување на граничните вредности и концентрациите на „PM10“ честички и другите опасни материи се во рамки на дозволените граници за заштита на здравјето на луѓето.