Телата на починатите од крвавата семејна драма што се случи во Велес се испратени на обдукција во Институтот за судска медицина во Скопје. Во трагедијата со повеќе повреди од остар предмет починаа 31 годишна велешанка и нејзиниот 74 годишен татко, а сторителот 39 годишен скопјанец, поранешен партнер на девојката се самоубил со тврд остар предмет.
Доцна синоќа заврши и увидот на јавното обвинителство на лице место. Основното јавно обвинителство во текот на денов ќе објави целосно соопштение за настанот, а како што најавуваат оттаму предмети ќе има и во други обвинителства. Двојното убиство, и самоубиство се случи вчера попладнето кога 38 годишен маж од Скопје, со нож, ја убил својата 31 годишна поранешна партнерка и нејзиниот татко, по што самиот си пресудил.
Телото на велешанката било откриено на улицата „Кочо Рацин“, а нејзиниот татко бил убиен во сопствениот дом, соопштија од велешката полиција. Во домот на таткото бил пронајден и осомничениот убиец со повреди од остар предмет. Тој бил пренесен во болницата во Велес каде лекарите констатирале смрт.
