„По неколку одложувања и несогласувања – утре во 10 часот конечно ќе заседава Собраниската комисија за надзор на работата на АНБ и Агенцијата за разузнавање. На дневен ред е предлогот за заклучок за вршење на надзор над АНБ, а со седницата ќе претседава Скендер Реџепи.“
„Ваквиот договор го постигнале членовите на Комисијата, а за тоа го информирале претседателот на Собранието Африм Гаши.“
„Самите дојдоа до договор и јас го почитувам тоа“ – изјави Гаши на брифинг со новинарите.
Истот ден, веднаш по седницата, неофицијално, членовите кои поседуваат безбедносни сертификати ќе одат во надзорна посета на Агенцијата за национална безбедност.“
Седницата беше свикана на предлог на пратеникот Љупчо Пренџов, откако во јавноста излегоа информации дека АНБ во изминатите години прислушувала новинари и бизнисмени.“
Проблемите околу одржувањето на седницата произлегоа бидејќи претседателот на Комисијата, Скендер Реџепи, нема безбедносен сертификат. Од АНБ сè уште нема одговор за неговиот статус, поради што претседателот на Собранието, согласно деловничките овластувања, ја назначи пратеничката Славјанка Петровска да ја води седницата.“
Директорот на АНБ, Бојан Христовски, изјави дека целата документација е испратена во Обвинителството.“
Со утрешната седница, Комисијата треба да го почне надзорот врз службите – тема која по аферата со прислушувањето ја држи јавноста во неизвесност и отвора прашања за одговорност, транспарентност и безбедност на државниот систем.
Инаку во Собранието веќе неколку дена се одложува седницата на Комисијата за надзор над АНБ и Агенцијата за разузнавање – закажувана, па повторно откажувана, и тоа по неколку пати во ист ден. Сценариото се повторуваше со нови термини – прво за петок, потоа за среда, па повторно со одлагања. Најавите за седници една по друга стигнуваа до пратениците, но без конкретен епилог. Новата надеж е дека токму утре Комисијата конечно ќе заседава.“
