На маргините на Бледскиот стратешки форум, министерот за надворешни работи и надворешна трговија Тимчо Муцунски оствари одвоени средби со министерката за надворешни и европски работи на Република Словенија Тања Фајон и со министерот за надворешни и европски работи на Република Словачка Јурај Бланар.
Како што информира Министерството за надворешни работи и надворешна трговија, во фокусот на разговорите беа регионалната соработка и стабилноста, како и билатералните односи.
– Соговорниците го нагласија силниот потенцијал и подготвеноста за нивно понатамошно продлабочување. На двете средби беше потврдено сојузништвото во рамките на НАТО Алијансата. Стана збор и за реформските процеси, европските аспирации на нашата држава, предизвиците на тој пат и континуираната поддршка од Словенија и Словачка, се наведува во соопштението.
