🎥 Експерти: МВР покажува решителност во расчистувањето со проблематичните во своите редови

Во земја каде полицијата долго време повеќе ѝ служеше на власта отколку на законот, секој потег кој носи одговорност е важен показател за работата на системот.

Во изминатата година, МВР презеде чекори кои ретко можеа да се видат во минатото. Последниот пример е разрешувањето на началникот од Демир Хисар, поради сомнение за сериозни пропусти и непочитување на службените обврски – одлука која се смета за речиси преседан, со оглед на тоа дека порано вакви скандали најчесто се премолчуваа.

И ова не е изолиран случај – пред само неколку месеци беше суспендиран и поднесена му беше кривична пријава на граничниот полицаец од Блаце, кој го пропушти поранешниот вицепремиер Артан Груби, да ја премине границата без соодветна контрола, за што доби суспензија.

Овие потези, според експертите, носат сигнал дека МВР се движи кон повеќе отчетност и непристрасно почитување на законот.

„На овие примери со полицискиот службеник во Блаце и ова што се случи во Демир Хисар, каде што брзо и ефикасно се преземаат мерки за расчистување на состојбите на слабостите и незаконитото работење и постапување на полициските службеници влеваат надеж и даваат надеж дека во МВР навистина има раководна структура која има чесни намери да раководи и создаде една ситуација во која граѓаните ќе веруваат и ќе имаат доверба“, изјави Љубомир Ѓурчевски, експерт за безбедност

Разликата, додаваат експертите, е особено видлива кога се споредува со времето на претходната власт, кога вакви мерки беа речиси незамисливи, а институциите се користеа за заштита на партиски интереси или за политички пресметки

„Барем јас сум сведок, на она што се случуваше во последните 7, 8 години од владеењето на СДСМ кога министерството кадровски беше уништено, верувајте дека се поставуваа на високи позиции лица со кривични пријави, осудени за кривични дела, знаевте дека имавме во одреден период и началник за гонење на кривично дело за од областа на недозволената трговија со дрога, беше осудено лице. Значи тој кадровски прогром што се направи во МВР особено по удирањето на полицајката од пајакот и непреземањето на никакви службени дејства од страна на министерството него само службени дејствија за замолкнување на сите оние кои што сакаат чесно и поштено да си ја работат работата“, изјави Љубомир Ѓурчевски, експертот за безбедност

Сега е клучно овие мерки да се претворат во континуирана и непристрасна пракса, а не во повремени акции за смирување на јавниот притисок. Одговорноста, сметаат експертите, мора да стане нераскинлив дел од работата на секој кој ја носи униформата, а граѓаните очекуваат стабилна и праведна институција, а не привремени исклучоци.