Wizz Air, најеколошката авиокомпанија во регионот на EMEA, со задоволство ја најавува новата директна рута од Меѓународниот аеродром Скопје до Келн. Билетите се веќе достапни на wizzair.com и преку мобилната апликација WIZZ, по цени кои започнуваат од само 1.619 денари (во еден правец, вклучувајќи ги сите задолжителни такси и една рачна торба).
Оваа нова дестинација следува по неодамнешната најава на уште пет возбудливи рути од Скопје до Стокхолм, Мадрид, Прага, Бари и Ларнака. Со ова проширување, Wizz Air сега нуди вкупно 34 дестинации во 15 земји, од скопскиот и охридскиот аеродром – зајакнувајќи ги поврзаноста и можностите за патување за патниците од регионот и пошироко.
Со отворање нови работни места и зголемување на туризмот, Wizz Air ја потврдува својата посветеност на поддршка на развојот на туристичката индустрија во Северна Македонија, како и на севкупниот економски напредок на земјата.
Andras Rado, директор за комуникации во Wizz Air, изјави: „Горди сме што ја прошируваме нашата мрежа од Скопје со новата рута до Келн, веднаш по најавата за пет други возбудливи дестинации. Со уште подостапни и поудобни можности за патување, нашето сè поголемо присуство во Северна Македонија ја одразува нашата долгорочна посветеност на регионот и на мисијата да го направиме патувањето достапно за повеќе луѓе од кога било досега. Let’s Wizz.“
Зошто да го посетиш Келн?
Келн е живописен град каде што историјата и современиот живот се спојуваат на уникатен начин. Од величествената Келнска катедрала и шармантниот стар град, до богатата уметничка сцена, светски познатите музеи и веселиот дух – градот нуди по нешто за секој патник. Без разлика дали шетате покрај Рајна или уживате во неговите познати манифестации, Келн е дестинација што вреди да се открие во текот на целата година.
| Рута | Денови | Цени од | Почеток |
| Скопје – Келн | Понеделник, среда, петок, недела | 1619 мкд // 24.99 еур | 15 Декември 2025 |
За Wizz Air
Wizz Air располага со флота од 239 авиони од типот Airbus A320 и A321. Тим од посветени професионалци во авијацијата обезбедуваат врвна услуга по многу ниски цени, правејќи ја Wizz Air прв избор за 62,8 милиони патници во 2024 година. Авиокомпанијата е котирана на Лондонската берза под ознаката WIZZ. Wizz Air неодамна беше прогласена за една од десетте најбезбедни авиокомпании во светот според airlineratings.com, единствената агенција за оценка на безбедноста и производите во авијацијата. Компанијата беше именувана и за „Авиокомпанија на годината“ од страна на Air Transport Awards во 2019 и повторно во 2023 година. Дополнително, Wizz Air беше призната како „Најодржлива нискобуџетна авиокомпанија“ за периодот 2021–2023, и добитник на наградата „Најдобра авиокомпанија за намалување на емисијата на јаглерод“ од World Finance Sustainability Awards во 2024. Истата година, Wizz Air ја доби и наградата „Најодржлива авиогрупација за регионот ЕМЕА“ од CAPA – Centre for Aviation Awards for Excellence 2024.
За повеќе информации:
Follow us on Instagram: @wizzair
Follow us on Facebook: @wizzair
Follow us on LinkedIn: @wizzair
Сите летови на Wizz Air се изведуваат со авиони Airbus A320 со 180 седишта, Airbus A320neo со 186 седишта, A321 со 230 седишта и Airbus A321neo со 239 седишта.
- Бесплатни слики од авиони, екипаж и лого можете да најдете на: https://wizzair.com/en-gb/information-and-services/about-us/press-office/
- За повеќе информации за стратегијата на Wizz Air за одржливост, погледнете го годишниот извештај FY2025 од страна 179
