Македонија тешко ќе дише оваа седмица со температури од над 40 степени.. пред нас е портокалова фаза со пеколни горештини што претставуваат сериозна закана по здравјето на луѓето.
Екстремната жештина ја зголеми и работата на Итната медицинска помош, изминатиов викенд најмногу интервенции имало за сообраќајни незгоди, тахикардии и колапси – велат лекарите.Според нив, дехидратацијата и прегревањето на телото се главните причини поради кои граѓаните колабираат на јавни површини. Најранливи се постарите луѓе, хронично болните и децата.
Жештината претставува проблем и во секојдневното функционирање, граѓаните особено повозрасните, внимателни.
Според метеоалармот, жешкото време ќе се задржи и во наредните денови.
Синоптичарите велат дека африканскиот топлотен бран во земјава ќе се задржи до средината на идната недела, кога ќе имаме благ пад на температурите.
