Ребалансот на буџетот е јасен пример дека работиме на реални и применливи мерки. Не делиме ветувања, туку распределба на пари за патишта, железници, автобуси, болници, градинки и училишта, соопшти пратеникот Сергеј Попов од ВМРО-ДПМНЕ.
Буџетското прекројување за годинава бележи зголемување од 300 милиони денари директна поддршка за инфраструктурни проекти кои ќе создадат работни места и ќе ги подобрат условите за живеење.
Предвидени се 307 милиони денари за 120 нови автобуси. Овие пари не е само за главниот град! Секој поголем град ќе добие модерни возила, прилагодени за ученици, пензионери и лица со попреченост.
Се со цел јавниот превоз да стане право, а не привилегија.
Дополнителни 307 милиони денари се распределени за локални и регионални патишта. Села кои со децении чекале асфалт и достоен пат, конечно ќе бидат поврзани!
За модернизација на пругите и железничкиот систем, ребалансот предвидува нови 106 милиони денари. Пари за безбедни, еколошки и ефикасни железници. Стратешка инвестиција во транспортот, а со тоа и во економскиот развој на долг рок.
Почитувани,
Прекројувањето на државната каса не застанува тука. Помеѓу приоритетите на коалицијата предводена од ВМРО-ДПМНЕ е локалниот развој и образованието.
Во образованието сериозно се инвестира од сите аспекти! За училишта, факултети и студентски домови се предвидени цели 1,79 милијарди денари.
Додека пак за општините ќе се одвојат 1,3 милијарди денари. Чекор напред кон решавање дури и на секојдневните предизвици на граѓаните, а со цел создавање на локални заедници кои се привлечно место за живеење.
