Вицепремиерот и министер за транспорт, Александар Николовски, учествуваше на важен состанок со раководството на УНЕСКО во Париз, посветен на заштитата на Охридскиот регион и Охридското Езеро. Во својата изјава, Николовски истакна дека овие прашања мора да одат рака под рака со развојот и благосостојбата на жителите на општините Охрид и Струга.
„Морам да потенцирам дека вакви состаноци недостасувале во минатото. Аргументите на Македонија никој не ги презентирал и често се носеле еднострани одлуки на штета, пред се, на жителите на Охрид и Струга. Тоа мора да се промени“, нагласи вицепремиерот.
Тој додаде дека иако одредени извештаи се во напредна фаза на подготовка, со проактивен пристап работите ќе се менуваат во годините што следат, со цел да се обезбеди одржлив развој и зачувување на природното и културното наследство на регионот.
