Пред една година, на 8 мај, ја добив довербата на над 107.000 Албанци како пратеничка од Алијансата за Албанците, на листата на коалицијата ВРЕДИ, пишува на социјалната мрежа на Фејсбук пратеничката од редовите на Коалицијата ВРЕДИ Мимоза Муса.
Овој мандат не е само број, тоа е гласот на народ кој е изнемоштен повеќе од 20 години власт на ДУИ и кој упорно бара промени.
Поминуваме низ тежок политички период и со право многу поддржувачи, пријатели и соработници прашуваат: Со кого е пратеничката Мимоза Муса?
Денес, во политички турбулентна клима, сакам да бидам јасна со вас: Јас сум пратеничка на Алијансата за Албанците.
Довербата што ми ја дадовте нема да ја изневерам.
Не сум тука за лични интереси, туку за да им служам со достоинство и одговорност на сите гласачи кои веруваа во оваа мисија.
Промената започна и ние ќе ја носиме напред, пишува во својата објава Муса.
