Ракометниот клуб Алкалоид ќе го игра реваншот против Минаур Баја Маре (Романија) во недела, 30 март, во салата „Автокоманда“, со почеток од 19:00 часот. Натпреварот ќе биде решавачки за влез во полуфиналето на Европскиот Куп на ЕХФ.
Првиот натпревар во Романија заврши со реми 31-31, па сега екипата на Кирил Лазаров ќе се бори за место меѓу четирите најдобри тимови во ова натпреварување.
На прес-конференцијата пред натпреварот, тренерот Лазаров истакна дека ова е многу важен дуел за македонскиот ракомет и спорт, и дека ќе влезат во реваншот со голема претпазливост.
„Многу сум претпазлив за она што следи во недела. Ќе се обидеме да одиграме квалитетен натпревар. Во првиот меч, нивниот старт беше на раб на исклучување, а само двапати добија исклучување. Мораме да вложиме дополнителен напор за да се пласираме во полуфинале. Очекувам поддршка од нашите навивачи“, изјави Лазаров.
Победникот од овој дуел ќе игра во полуфинале против подобриот од дуелот Олимпијакос – Рунар.
