Стотици студенти се собраа пред платото на УКИМ за да оддадат почит на загинатите. Заедничката настава, како што ја нарекоа и собирите на студентите, најавија, ќе продолжат сè до 21 март, секој ден, почнувајќи од 12 часот, на кампусите на УКИМ. На денешниот заеднички час им се слоши на некои од присутните студенти и беше повикана брза помош. Поради тоа, неколку пати беа прекинати обраќањата на ректорката Билјана Ангелова и на министерката за образование Весна Јаневска. Откако беше кажано дека се повикани неколку возила од брзата помош, министерката рече: – Очигледно е дека ова предолго трае. Вашата порака е примена. Отворена е книга на жалост пред Правниот факултет, а во поставените кутиии може да се донираат пари кои ќе бидат донирани на Црвениот Крст.
