Рекордно ниво – над една милијарда и 250 милиони евра диркетни странски инвестиции во 2024 година. Најновите податоци на Народна Банка покажаа историски најголема сума од осамостојувањето на Македонија. Само во четвртиот квартал, вкупните директни инвестиции забележале нето приливи од речиси 400 милиони евра.
„Во 2024 година, вкупните директни инвестиции во земјата изнесуваат 1.255 милиони евра, како резултат на нето-приливите кај меѓукомпанискиот долг (за 686 милиони евра), сопственичкиот капитал (313,6 милиони евра) и реинвестираната добивка (255,3 милиони евра)“, велат од Народна Банка.
Во 2024-та во однос на 2023-та директните странски инвестиции се двојно зголмени, вели министерката за финансии. Гордана Димитриевска – Кочоска, објаснува дека најголем успех бил достигнат во последното тримесечје од минатата година.
„Највисокиот износ на странски дирекни инвестиции во 2024 година се забележа во четвртиот квартал, кога изнесуват скоро 400 милони евра, односно за 73,3% повеќе во споредба со износот од претходната година. На овој начин потврфуваме дека ја менуваме економската слика за државата која со години беше девастирана и покажуваме дека системот се менува, и има промени и работиме на враќање на довербата во системот“, изјави Гордана Димитриевска – Кочовска.
Ппремиерот Мицкоски е горд на иневстицискиот бум, а очекува позитивниот тренд да продолжи и во 2025 година. За неполни два месеци годинава во земјава влегоа околу 15 странски инвестиции, а дополнителен стимул се и домашните инвестиции кои преку траншите од поволниот унгарски кредит, ја направија земјава економски лидер во регионот.
„На овој успех се радувам особено затоа што сите знаеме каков економски пустош и запоставеност во секоја област затекнавме. Ќе продолжиме макотрпно да работиме за секој еден граѓанин, и да ја развиваме економијата обезбедувајќи заедничка иднина. Само со работа, успеси и визија Македонија станува повторно ваша“, рече премиерот Христијан Мицкоски.
Вложувањата во енергетиката ќе и бидат приоритет на оваа Влада и треба да бидат движечка сила во наредниот период, порача премиерот, а Македонија ќе стане лидер во странските инвестиции по глава на жител.
Љубиша Владимиров
