Дупки по афалтот, лошо означени пешачки премини и сигнализација. Неисчистени улици, ѓубре на секое ќоше низ метрополата. Состојбата во градот Скопје е алармантна, а градоначалничката Арсовска се изолираше од сите.
Тоа што централната власт и скопските градоначалници не можат да ја контактираат, паѓа на грбот на граѓаните. Министерот за локална самоуправа, Перински, рече дека по локалните избори на есен, Арсовска ќе си замине од градоначалничката функнција и работите ќе се сменеле на подобро.
„После ноември, многу работи ќе се подобрат на подобро. И комуникацијата со сите градоначалници мора да биде на дневна основа за да се надминуваат препреките. Најголемиот проблем кој Град Скопје го прави за општините се опструкциите на секое ниво и во суштина оние средства кои се влеваат во Град Скопје, а потекнуваат од страна на локалните самоуправи во Градот Скопје, несразмерно се инвестираат“, изјави Златко Перински, министерот за локална самоуправа.
Дека нема никаква комуникација меѓу Градот и општините потврдува и првиот човек на Чаир. Висар Ганиу вели дека службите на Данела Арсовска целосно ги игнорираат, не добивале никаков одговор на нивните барања.
„Ние сме побарале неколку пати писмено, но навистина значи нема слух, да не дослоушат или да интервенираат во тој дел. Само за пример неколку пати имам кажано, имаме еден булевар улица, „Ферид Мурати“ каде три и пол години нема сигнализација, не е асфалтиранио нема пешачки премин линии нема каде да се паркира, а Град Скопје тера инает“, изјави Висар Ганиу, градоначалник на Чаир.
На работната средба Ганиу и Перински разговараа и за измените на Законот за локална самоуправа кои се подготвуваат. Со нив, меѓу другото, се предвидува и можноста за отповикување на градоначалник преку референдумско изјаснување.
Љубиша Владимиров
