Без став и конкретен одговор дали ќе си поднесат оставки ако пратениците кои ги избрале им изгласаат недоверба, се двете членки на Судскиот совет, експретседателката Весна Дамева и адвокатката Татјана Чачарова Илиевска.
Тие ја примиле интерпелацијата, но прво сакаат да ја анализираат и проучат, па потоа да се произнесат во јавност.
Поранешната адвокатка Чачарова Илиевска која стана член на Советот на предлог на Комисијата за избор и именувања во 2021, не се согласува дека треба да има колективна одговорност, туку индивидуална.
Ниту екс претседателката Весна Дамева која е во Советот по прелодг на поранешниот шеф на државата, Пендаровски, нема одгговор дали има намера да даде оставка.
Инаку, претседателот на Собранието, Африм Гаши, официјално ги извести петте членови на Судскиот совет, Весна Дамева, Тања Чачарова-Илиевска, Милазим Мустафа, Павлина Црвенковска и Селим Адеми, дека е побарана интерпелација за нив. Овие членови беа избрани во Собранието.
Во образложението на интерпелациите стои дека се поднесени поради негрижа, нарушување на угледот на судиите и загрозување на довербата на граѓаните во судството
Барањето за интерпелација на членовите во Собранието, беа поднесени од пратеници на ВМРО-ДПМНЕ, „Влен“ и ЗНАМ.
Имињата на сите пет членови, се поврзуваат со партиски врски на претходната власт на двоецот СДСМ- ДУИ. Најкротроверзна е Весна Дамева, поранешната членка на правната комисија на СДСМ.
Таа заедно со Павлина Црвенковска, никогаш не биле судијки, туку стручни соработници. Двајца од членовите на судскиот совет доаѓаат од Секретаријатот за спроведување на рамковниот договор, каде со години се вработувше исклучиво кадар на ДУИ. Поранешната адвокатка Татјан Чачарова Илиевска во советот дојде од кабинетот на екс премиерот Зоран Заев каде била посебен советник за правда. Во Владата на Заев, таа го замени и Рашковски како посебен претсставник од Владата во управниот одбор на Телеком.
