Одземање на возилото и возачката дозвола доколку учесниците во сообраќајот возеле под дејство на опојни дроги или алкохол, најави министерот за внатрешни работи Панче Тошковски. Според него потребни се измени во кривичниот законик со кој надминување на дозволената брзина наместо со парична треба да се трансформира во затворска казна.
„Сметам дека мораме да го ревидираме член 297а од кривичниот законик кој се однесува на безобзирно возење, односно, јасно да се разграничи од постоечките одредби кои регулираат сообраќајни прекршоци во законот за безбедност за сообраќајот и патиштата во делот на брзото вознење и наместо алтернативно да се изрекува парична казна, истата да биде затворска“, изјави Тошковски.
Измени во кривичниот законик, односно во делот за пркршоци најави министерот за правда Игор Филков. Покрај измените според министерот за безбедност клучна улога ќе има непристрасноста на судиите при примена на законските одредби и определување на казни согласно тежината на делото, односно соораќајните прекршоци кои ја загрозуваат безбедноста на сообраќајот треба да биде квалификувана како кривично дело.
„Судската пракса треба да се темели на законските начела со посебен акцент на непристрасноста при донесување на одлуки и независноста на судиите во постапувањето. Покрај тоа мора да ги применуваат одредбите на законот во целост, да го земат во предвид секој поединечен случај и да изречат казни се во согласност со тежината на делото“, изјави Филков.
Иницирање за одржување на 18 комисиската расправа доаѓа по трагедијата во која животот го загуби младата Фросина Кулакова, но и претходна серијата на трагедии кои се случија на патиштата ширум државава, но и констатирањето на илјадници прекршоци од кои најчести се возењата без возачка дозвола или под дејство на опојни дроги и алкохол. Од министерството за внатрешни работи најавија реформи како што е воведување на проектот Сејв Сити, не само во главниот град туку низ целата држава, но и воведување на тестови кои ќе детектираат на самото место дали возачите биле под дејство на опојни супстанци.
