По жестоката реакција на јавноста за трагедијата со младата Фросина Кулакова, судијката Даниела Алексовска Стојаноска кон која е насочен гневот на јавноста е разрешена од работната група за измените во кривичниот законик. Министерот за правда го презеде првиот чекор и ја санкционира судијката која пресудила дека 20 годишниот Васил Јованов место да биде во притвор со пресуда за трговија со дрога го пуштила на слобода до правосилност на пресудата…
Гневот на јавноста го разбуди и судскиот совет кој исто така ќе ја стави под лупа нејзината работа. Претседателот на Судскиот совет не сака да избрзува со коментари, но порачува дека евентуалните пропусти ќе бидат санкционирани:
Обвинителството ќе ги проверува сите аспекти на случајот. Васил Јованов ја прегази Фросина на пешачки премин, минувајќи со огромна брзина на црвено, возејќи без возачка дозвола и со алкохол во крвта.
-Во случај на прекочорување на брзината на возење, полицијата откако ќе констатира и и ќе утврди може да поднесе прекршочна пријава и таа постапка оди директно во судот. Ве уверувам граѓаните дека навистина Обвинитеслтвото ќе постапи најпрофесионално и ќе донесе јавнообвинтелска одлука, а понатаму е на судот, изјави Коцевски.
Најголемата болка е кај семејството, таткото на Фросина реагира дека надлежните се обиделе да ја сокријат целата вистина за овој случај.
Сестрата на трагично загинатата Фросина, побара одговорност и од судијката, но и од семејството на Васил Јованов.
20 годишниот Васил Јованов кој смртно ја прегази 22 годишната Фросина, претходно имал пресуда да оди во поправен дом, но со одлука на судијката Даниела Алексовска Стојановска, бил пуштен до правосилност на пресудата да биде на слобода.
Матеја Петровски
