Пропусти на системот, силни врски во Судот или не знаење на судијката Даниела Алексовска Стојановска. Која е причината што девијантниот Васил Јованов судот го истретира како помлад полнолетник со наполнети 20 години и го прати во воспитен дом наместо зад решетки поради пакување и продавање на дрога? Дел од правната фела се зачудени од терминот помлад полнолетник, а речиси ниту еден адвокат досега не сретнал вакво нешто. Поранешниот министер за правда Михајло Маневски вели дека во случајот очигледно е дека се заташкувала постапката и се прогледувало низ прсти, со цел Јованов да избегне притвор.
Во воспитни домови обично се испраќаат деца кои потекнуваат од дисфункционални семејства, деца без родители и растени на улица. Маневски вели дека Јованов потекнува од ситуирано семејство од кое добил и возило, а немал ниту возачка дозвола. Според него, трагедијата што се случи со младата дизајнерка од Неготино е последицата од невоспитувањето на возачот.
Гневот кај граѓаните за прегазувањето на 22 годишната Фросина Кулакова на пешачкиот премин кај Универзална и денеска не стивнува. На социјалната мрежи се шири петиција потпишана над 12.000 луѓе кои бараат доживотен затвор за 20 годишниот Васил Јованов. На 29 јануари 15 минути пред полноќ, тој возел пијан и ебз возачка со огромнна брзина и поминал на црвено. Од ударот на лице место ја усмрти младата дзајнерка.
Граѓаните на вчерашниот протест бараа одговорност од судскиот систем и најстрога казна за возачот. Со перфоманс на крвави раце пред Кривичниот суд побараа судијката што го ослободи Јованов за дрога, да понесе одговорност. Се протеситраше и пред Собранието.
Протестот почна на пешачкиот премин кај Универзална каде животот го загуби Фросина Кулакова. Голем број граѓани во редици чекаа да положат цвеќе и свеќи на местото каде е најдено нејзиното тепо по ударот од пежото на Јованов.
