Фабриката за лажни вести на СДСМ се урива како кула од карти. Мало невнимание на задоклежните за видео продукција ја откри целата фарса – опозициската партија сама си поставува и сама си одговара на новинарски прашања. Грешката на монатажерите ја „насанка“ портпаролката Богданка Кузеска.
-Може… тоа е уште една скандалозна изјава на Трајко Славевски, кажа Кузеска.
По првиот лапсус таа реши да се поправи, но партиските служби не се поправија, па повторно ја пуштија грешката на портпаролката.
-Граѓаните имаат мака да… Уште еднаш може, не гледам…. Тоа е уште една скандалозна изјава на Трајко Славевски, кажа Кузеска.
Кузеска реши да се повтори и трет пат и сето ова се гледа во интегралното видео кое беше објавено.
-Тоа е, чекај грешка има. Дај… Може ајде… Може… Тоа е уште една скандалозна изјава на Трајко Славевски, кажа Кузеска.
Инаку, пресот на Кузеска воопшто и не беше највен односно медиумите не беа поканети. Па оттука немаше ни можност да присуствуаат новинарите кои можеби и ќе го поставеа прашањето кое партијата сакаше да го одговори.
На јутјуб профилот на СДСМ, покрај видеото со грешките на партиската портпаролка, објавено е и видео каде одговорот на прашањето кое што го нема е без никаква грешка.
Матеја Петровски
