Обичен ден. Во поголемите маркети и продавнци нема ниту зголемена ниту намалена радвиженост на ден пред најавениот бојкот. „Алфа“ направи обиколка на повеќе локации и сликата секаде е иста. Граѓаните кои ги затекнавме, пак, велат дека дефинитвно ќе ја поддржат иницијативата.
„Револтирани се затоа што трговците драстично ги зголемиле цените и велат дека таквото однесување морa да престане“.
Најголем дел од потрошувачите се оптимисти дека иницијативата ќе даде ефект и ќе ја заузда алчноста на трговците. Дел од маркетите како да се подисплашија – веќе намалија цени или најавија акции кои треба да почнат токму утре.
„Алфа“ неофицијално дознава дека други маркети воопшто и нема да работат односно денот ќе го искористат за попис, а поголемите пекари најавиле дека в петок ќе ги намалат кочичините на испорачан леб.
Во меѓувреме повикот за бојкот в петок под паролата „Попусто попусти, кога цените се исти“, наидува на се поголема поддршка. Зад акцијата застанаа и од Организацијата на потрошувачи и Синдикатите, а сега на истата се приклучија и од Занаетчиската комора која ги повика граѓаните да направат поправеден избор и да пазарат кај малите трговци.
Љубиша Владимиров
