Свечената академија по повод Свети Сава, која денеска ќе се одржи во Македонскиот народен театар во Скопје, е со посебно значење. На гости, по покана на поглаварот на Македонската православна црква г.г. Стефан, на заедничко чествување пристигнува српскиот патријарх Порфириј. На свеченоста ќе присуствува премиерот Мицкоски, а дел од неа ќе бидат и повеќе министри од српската влада, претседателот на Република Српска Милорад Додик и други високи гости од соседството.
Во предвечерието на централното чествување, во Куманово се одржа Светосавска академија на која гостин беше и српскиот министер за дијаспора.
