„Конфедерацијата на синдикални организации во Македонија“ обвинува дека во моментов се случува диктатура во синдикалните движења од страна на „ССМ“ и „СОНК“. Оттаму велат дека овие две синдикални здруженија ги држат на сила своите членови, забранувајќи им да се отчленат и објаснуваат дека на овој начин сакаат да извршат притисок на Владата за да ги истуркаат своите барања.
„Овој апсурд го нема ниакде. Сведоци сме пратеници преминуваат од една во друга партија, градоначалници преминуваат од една во друга партија. За жал работникот не може да премине во друг синдикат. Они на тој начин сакаат да ја уценуваат Владата држејќи го со сила членството, демек они се таканаречени репрезентативни синдикати, единствено така знааат да делуваат“, изјави Марјан Ристевски претседателот на КСОМ.
Во статутот на „ССМ“ и „СОНК“ во членот 13. стои дека секое доброволно истапување не важи во случај кога членот користел финансиски средства од тоа синдикално здружение, а отчленувањето може да се случи само по 3 години од денот на поднесување на барањето. Синдикатот реагира и на позициите на Уставниот суд за кој тврди дека носел одлуки под притисок.
„Меѓутоа ова што го добивме од Уставен суд, замислете граѓанин се има обратено до Уставен суд на 09.10.2024 минатата година, каде фала богу, уставните судии утврдиле дека не може некој со сила да го држи граѓанинот согласно закон, устав, работни односи законот, дека тоа е доброволно присстапување, Што се случило од 09.10 до 11.12 значи за неполни два месеци Уставниот суд ја стопира постапката за утврдување на уставност. Значи на овие уставни судии не им е местото таму“, рече Марјан Ристевски, претседателот на КСОМ.
Инаку од КСОМ денеска го повторија барањето и за повисоки плати и рекоа дека на социјално-економскиот совет ќе разговараат со владата со цел да се изнајде договор за минималната плата биде 500 евра.
Љубиша Владимиров
