Мразот и снегот си го земаа данокот. Скршениците на нога или рака, како и други повреди од паѓање на мраз ги полнат трауматолошките центри. Откако падна првиот снег во Скопје, но и цела Македонија двојно е зголемен бројот на луѓе кои имаат скршеници велат ортопедите. И ренген службата деновиве е една од најактивните каде се снимаат пациентите кои имаат мака со фрактура на екстермитети. Најчести повреди биле скршеници на подлактици и на подколеница. Кај повозрасната популација има повреди и на колковите. Лекарите со аларм до граѓаните внимателно да се движат по замрзнатите патишта, посебно за повозрасните доколку немаат потреба да не излегуваат надвор.
“За несреќа зголемен е бројот на слчаи со скршеници.Оние скршеници кои се од пад од излизгување и од невнимание.Кај постарите луѓе најчести фрактури се на рачниот зглоб, на рамото на колкот и на подколеницата” вели д-р Каревски, ортопед.
Д-р Каревски вели дека на трауматолошкиот оддел во ГОБ “8-ми септември” за оперативни зафати не се чека многу, но секоја хирушка интервенција зависи од болестите на пациентот и сериозноста на повредата.
“Чекањето зависи од многу фактори, ако имаме наплив…ние се трудиме, салите работат малтене 24 часа, нели секогаш е проблем анестезиолошки тим, претходното здравје кај пациентите особено ако се во поодмината возраст треба да се направат претходни испитувања, пред операција…чекањето е од случај до случај.Со материјали, болницата е обезбедена со се што треба” вели ортопедот Каревски.
Поради ваквото време, докторите очекуваат бројката на граѓани со скршеници на екстремитетите да се зголемува.
По најавите на хридрометеоролозите дека во наредните денови температурата ќе падне и повеќе од десетина степени под нулата, а тоа ќе доведе до голомразица лекарите апелираат на внимателно движење.
Дополнителен проблем кај граѓаните е и и загадениот воздух, кој снегот не го исчисти. Скопје сѐ уште е загаден повеќе од дозволеното, најзагаден град утрината беше Битола со индекс 102.
Струмица која изминатиот период беше екстремно загадена и денеска е со индекс од 71.Умерено загадени градови денеска се и Кавадарци, Велес, Гостивар и Тетово.
