По завршена кривична истрага од страна на хрватската полиција, тројца државјани на Македонија се обвинети за сторени 16 кривични дела тешка кражба, пренесуваат хрватските медиуми.
Станува збор за луѓе на возраст од 37, 42 и 50 години, за кои истрагата утврдила дека во текот на изминатата година, од март до крајот на септември, во 16 наврати упаднале во станови во областа Ријека, од кои краделе накит, пари и други предмети, при што ги оштетиле хрватските државјани за најмалку 97 илјади евра.
Дел од украдените предмети се пронајдени во кривичната истрага, како и специјалното средство за кражба со кое се извршувале делата. Истрагата открила и дека во август извршиле две слични кривични дела во областа Макарска во Сплитско-далматинската жупанија, но и во областа Загреб во октомври, кога биле уапсени од полициски службеници од Полициската управа во Загреб. По извршената кривична истрага, тројцата осомничени со кривична пријава до надлежното државно правобранителство, поради основано сомнение за сторени горенаведените кривични дела, се предадени на надзорникот на притворот.
