Ристески: До крајот на неделата трговците да ги регулираат цените, потоа ќе следат казни

До крајот на неделата трговците и производителите имаат право да ги регулираат цените, кои на сметка на новогодишната кошничка со намалени цени, ги зголемија цените на одредени артикли, порача заменик-министерот за економија, Марјан Ристески.

Доколку и понатаму продолжат и не го послушаат апелот на Владата, ќе следуваат казни. Сите неправилности кои граѓаните ќе ги утврдат, може да ги пријават на 191, на бројот на Државниот пазарен инспекторат.