Антикорупциска не гледа проблем во именувањето на Бојан Христовски за директор на Агенцијата за Национална безбедност. По извршните проверки антикорупционерите го затворија предметот и констатираа дека Христовски ги ислолнува сите услови да директорува со Агенцијата. Има соодветно образование, ги поминал сите безбедносни проверки, поседува сертификат и не е припадник на политичка партија, констатира антикорупционерката Цвета Ристова.
„Врз основа на сомнежите за валидноста на приложените документи, ДКСК постапувајќи по своите надлежности побара вонреден инспекциски надзор од Државниот просветен инспекторат во наведениот факултет со цел проверка на приложените уверенија и дипломи за стекнати 240, односно 180 кредити. ДПИ постапи и достави допис во кој се констатира дека нема неправилност во работењеото на универзитетот, односно приложените уверенија и дипломи се издадени во согласност со законски прописи“, рече Цвета Ристова, член на Антикорупциска.
За сите услови, Антикорупционерите констатираа дека Христовски уредно и во законски рок ги доставил документите до Владата пред неговото назначување.
Што се однесува за сертификатот за англиски јазик, за што опозициската СДСМ обвинуваше, антикорупционерите одлучија дека Христовски формално правно го исполнува и овој услов. За тоа дали тестот е лажен, антикорупционерите се прогласија за ненадлежни.
Цвета Ристова, членката на Антикорупциска рече дека тие немаат надлежност да прават експертиза на тестот, но Обвинителството е надлежно за да поведе постапка и даде одговори.
Именувањето на Христовски предизвикува бура од реакции во јавноста. До Антикорупциска без поднесени повеќе пријави со сомнежи дека тој не ги исполнува условите за да ја води институцијата задолжена за безбедноста и контраразузнавањето.
Владата во октомври го имeнуваше Христовски за нов директор на Агенцијата за национална безбедност,
Тој има повеќегодишно искуство во безбедносните институции. Извесно време бил директор на „Паркинзи Скопје“, а на директорската позиција доаѓа од МВР.
