Речиси е скроен новиот Закон за Судскиот совет и привршуваат реформите во правосудството, а јавноста се уште не ги виде препораките на Оценската мисија што влезе во највисокото судско тело, по скандалозното однесување на членовите. Новиот Закон за судски совет треба да придонесе во средувањето и независноста на судството, коешто засега се уште е на колена.
На дебатата со скопските апелациски судии кои даваа предлози за законот, министерот ИгорФилков посочи дека работната верзија е направена, а во неа се вклучени сите предлози од експертската јавност. Новиот закон е во насока на препораките од Оценската мисија, но засега ниту министерот не откри на што точно се однесуваат.
Претседателката на Врховниот суд Беса Адеми е задоволна што во креирањето на новиот закон се вклучени судиите. Тие даваат предлози на кој начин ќе се врши изборот на членовите на Судскиот совет како и за критериумите и начинот на гласање.
Измените на законот треба да се изгласани најдоцна до јуни 2025, а Оценската мисија препорачува законските измени прво да ги оцени Венецијанската комисија, па потоа да влезат во собраниска процедура.
Ова е последна дебата која ја организираше Министерството за правда на која овојпат учествуваа скопските апелациски. Претходно, вакви дебати се одржаа во Штип и Битола на коишто учествуваа земаа исто така експерти и судии.
Имено, Оценската мисија влезе по Судскиот совет откако членовите незаконски ја разрешија поранешната претседателка Весна Дамева. Судскиот совет беше мета на напади не само од експертската јавност туку и од Еверопската комисија како и од меѓународните претставници во Македонија. Скандалозното однесување на членовите и функционирањето на судскиот систем придонесе за топење на довербата во судстото кај граѓаните од 2 %.
Покрај нов Закон за судскиот совет, премиерот Христијан Мицкоски смета дека е потребен нов Кривичен законик кој ќе биде базиран на европското искуство. Тој појаснува дека овој Кривичен законик ваков каков што е, ќе значи амнестија за дел од сторениот криминал за кој што постои основано сомнение и докази.
