Груби, картели, терористи, висока корупција и криминал – Отворената војна на владата со организираниот криминал и корупцијата во земјата може да биде залудна и загубена, доколку судството сега не покже дека е достојно на задачата. Успешните полициски акции, собирањето докази и апсењата може да бидат за џабе доколку овие моќници ги искористат своите пари и влијане за да преку корумпираното судство спасат глава.
Првиот симптом е фактот што судот донесе одлука за мерки за препазливост за 4-ца луѓе од случајот Лотарија, но уште тактизира со притворот на Груби кои барал да не заврши во Шутка како услов да се врати во Македонија.
Вака дел од поранешните гонители на криминал и корупција го оценуваат однесувањето на Обвинителството и Судот за случајот со милионската проневера во Лотарија, за која полицијата осомничи високи партиски функционери на СДСМ и ДУИ.
Политички пазари, договори меѓу судии и обвинители, се уште е нејасно зошто судството не истрае во борбата со корупцијата и не ги процесуира до крај сомнежите за криминалното однесување на функцинерите од двоецот СДСМ и ДУИ, коментира поранешниот антикорупционер, Воислав Зафировски.
За поранешниот обвинител Воислав Димовски сосема е јасно зошто Јавното обвинителство и Обвинителство за организиран криминал не си ја вршат работата. Според него, тие се под влијание на политичките елити од кои се избрани и се додека се челници на судството, во Македонија ќе се заштитува корупцијата на функционерите од СДСМ и ДУИ.
Имено, кривична пријава за корупцијата во Лотарија, е поднесена и против поранешниот премиер Димитар Ковачевски и екс генералиот сектретар Методија Димовски, иако тие се уште не се опфатени во истрагата на Јавното обвинителство. Обвинувањата се насочени околу Државната лотарија, која и покрај тоа што немаше дозволи за електронско и онлајн коцкање, набави опрема за игри. Јавното обвинителство покрена истрага за проневера на над 8 милиони евра, поднесувајќи кривични пријави против шест лица, меѓу кои се Артан Груби и поранешниот директор на лотаријата Перпарим Бајрами.
