Седуммесечно бебе почина на Клиниката за детски болести. Детето е донесено минатата недела со синдром кој зафатил повеќе органи. И покрај напорите на лекарите од интезивна нега, не успеале да го спасат.
Директорот за „Алфа“ го потврди случајот и рече дека состојбата на бебето дополнително му се влошила, што на крајот резултирало со смрт.
„Детето е примено минатата недела, под сомнение за некој синдром кој зафаќа повеќе органи, мултиорганско затајување, кој има прогресивен тек. И покрај напорите на колегите од интезивна нега, сепак текот бил брз и со прогресивно оштетување на повеќе органи со крајно влошување, што оди во прилог на синдромот“, рече Реџеп Мемеди, директорот на Клиниката за детски болести.
Во последните неколку месеци имаше повеќе смртни случаи на новороденчиња. Претходно на Детската клиника починаа новороденче од Струмица и 14 месечно девојче од Гошинце, за кое се води постапка за утврдување на евентуална лекарска одговорност.
Љубиша Владимиров
