Докторите во Итна медицинска помош,физичари на онкологија,интензивците на Детска клиника, вработените во геријатрија и фармацевтите во јавното здравство ќе добијат дополнително покачување на платите – најави министерот Таравари. Според него, ова ќе биде стимул плус за квалитетна работа на овој медицински кадар.
Здравствените синдикати се задоволни од постигнатиот договор.Велат дека редно време било здравството да се мрдне од мртва точка. Тие оценуваат дека ова зголемување на платите, ќе влее надеж до целиот медицински пероснал во Македонија.
Со ноемвриското покачување што го опфаќа целото јавно здравство сите вработени месецов ќе добијат по 2.450 денари.А на медицинските сестри со средно стручно на сметките ќе им легнат по 3.850 денари.
Синдикатите најавија дека следната година во март, согласно овој анекс на договорот, ќе има дополнително зголемување на платите во здравството за дополнителни 5%.
Таравари најави дека до нова година околу илјада луѓе со договор на дело во јавните здравствени установи ќе треба да добијат решение на неопределено време.
