ДУИ и за ова се најдоа повикани да реагираат. Обвинуваат дека Владата и Министерката Јаневска промовираат антиалбанска политика и дискриминација со двојни аршини, обвинуваат дека настан на кој се промовирале државни симболи и култура бил претставен како провокација и оти претходно во училиште во Аеродром имало слична прослава само со друга содржина за која немало таква реакција.
-Денес, министерот за образование се заканува со санкции за едно училиште во Челопек, бидејќи децата албанци на културен настан носеле униформи кои ја симболизираат историјата и гордоста на албанскиот народ. Но, кога во едно македонско училиште во Аеродром децата носеа униформи на комитите и изведуваа воени поздрави, немаше никаква реакција, стои во соопштението на ДУИ.
