Скопје повторно остана без приватни автобуси. Превозниците се лути оти нивното барање за повисока цена за изминат километар пак не се најде пред градските советници. Иницијативата стигнала доцна, па претседателот на советот немал време да ја прати на мислење кај Арсовска.
„Во оној момент кога ќе стигне мислење од Градоначалник, на следната наредна седница иницијативата ќе биде предложена на дневен ред. Ако не стигне мислење во рок од 30 дена ќе ја ставиме иницијативата на дневен ред без мислење“ – Трајко Славески, Претседател на Совет на Град Скопје.
Веднаш по ова, приватниците експресно брзо се исклучија од сите линии и свирејќи поминуваа крај бараките каде се одржуваше седницата.
„Платени сме преку ЈСП, ЈСП не ни дава пари, Градот ни вика мора да работите и врзани ни се рацете. Град Скопје ќе остане тотално без превоз. Упатуваме последен апел – веќе немаме финансиски средства да продолжиме да работиме“ – Влатко Тодоровски, приватен превозник.
Превозниците најавија дека уште денеска ќе се соберат и заеднички ќе решат дали ќе го блокираат градот како пред две години.
„Ќе видиме што ќе кажат, треба да го земеме предвид мислењето и на останатите превозници. Не можеме сами да одлучиме за таа работа, но не исклучуваме. Доколку не се реши, не исклучуваме и тоа да се случи“ – Јовица Зафировски, приватен превозник.
Се пожалија и дека повторно има наталожен долг.
„Од петти месец не е платено. Кај мене должи уште 4 милиони и 900 илјади за петти месец. Како ќе го опслужиш градот?“ – Мемет Асани, приватен превозник.
Приватните превозници се дел од јавниот превоз затоа што ЈСП нема доволно автобуси и возачи и не може да ги одржува сите линии низ брадот. Нивното исклучување дополнително ќе го влоши јавниот превоз во Скопје во период кога автобусите на ЈСП ги троша
