Јавниот градски превоз се нормализираше, откако владата вчера донесе одлука да му позајми нафта на ЈСП од државните резерви. Автобусите од гаражите се вратија на скопскиот асфалт, но кризата со јавниот превоз е привремено решенена и нафта ќе има само за седум дена. Грѓаните задоволни што Владата најде начин за денеска без проблем да стигнат кој на докотор, кој на училиште кој на факултет.
Но, што после седум дена. На град Скопје и Данела Арсовска им останува една недела да најдат долгорочно решение за катастрофалната состојба во ЈСП. И покрај тоа што состојбата со превозот се нормализираше најавениот протест се одржа. Стотина граѓани, поддржани од средношколците и студентите го изразија револтот од хаосот во градот и побараа оставка од Арсовска.
Протестот беше поддржан од студенти од УКИМ и претставници на Сојузот на средношколци.
Градоналаничата Арсовска пак и во револтот на средношколците, студентите, граѓаните препозна политика. Според неа протестите биле политички организирани, а граѓаните биле злоупотребени. Ги спореди со потрошен материјал на политичките партии за наметнување на нивните манипулации. Повторно вината за хаосот со градскиот превоз и немањето автобуси во Шуто Оризари ја најде во советниците на ВМРО ДПМНЕ кои одбивале да им овозможат на приватните превозници да возат на нивните автобуски линии, согласно барањата кои ги имаат доставено до Трајко Славевски пред неколку месеци.
