Македонскиот јазик со години е на директен удар од соседите, последниве најмногу од Бугарија, која целосно го негира неговото постоење. Токму тоа во моментов е и пречка на Македонија на европскиот пат, бидејќи официјална Софија не блокира. Поранешната министерка за култура Ганка Цветанова, говорејќи за официјалната изјавата испратен од Бугарија до ЕУ, посветена на докажување дека македонскиот јазик бил измислен со декрет на АСНОМ, вели дека Унијата доколку не посакува како член, ќе мора да го признае и македонскиот јазик и култура.
-Значи ја негира посебноста на македонскиот јазик и се тврди дека претставува норма, регионална норма на бугарскиот јазик. Доколку Европската Унија навистина сака да не види обединети, на рамноправна основа во нејзиното големо семејство, тогаш тоа мора да го направи преку почитување на нашата посебност, културна и јазична, изјави Цветанова.
Дека македонскиот јазик е на удар согласен е и потпретседателот на МАНУ, Витомир Митевски. Тој вели дека истиот како еден културен феномен се злоупотребува во дневната политика.
-Нашиот јазик се доведува во една парадоксална ситуација, кога неговата основна задача, улога и значење, тенденциозно се извртуваат до безмислие. Така самата негова употреба се претвора во предмет за злоупотреба, од средство за разбирање се преобраќа во средство за недоразбирање. Нашиот јазик како цивилизациска придобивка станува предмет на нецивилизирано однесување, изјави Ќулавкова.
Академик Катица Ќулавкова вели дека Македонците од својата независност се соочуваат со негирања и притисоци од надвор.
-Македонците од мигот на осамостојувањето од Југословенската федерација, во 1991-ва година, надуваат на препреки и притисоци од Обединетите нации, тоа беше случајот со Охридскиот договор и со Преспанскиот договор, Европската Унија и други влијателни фактори на моќ. Преку блокади, условувања, преговори, спогодби, промена на знаме, проена на Устав и негова преамбула, промена на името на државата, изјави Ќулавкова.
За состојбите со македонскиот јазик во МАНУ беше организирана работилници на тема „Посебноста на македонскиот јазик и политичкиот говор на омраза“.
Матеја Петровски
