Расте бројот на деца со дијабетес во Македонија. Докторите алармираат до матичните да се посветат во раното откривање на дијабетесот за да може да се спречат компликации.Во земјава околу 650 граѓани имаат сензори за мерење на шеќер во крвта – од здруженијата на пациенти бараат оваа бројка на луѓе да се зголеми.
Дијабетичарите, бараат и навреме да се доставува инсулин во аптеките и да се воведат нови иновативни терапии.
Во Македонија има регистрирано 130 илјади луѓе со дијабет, а од нив околу четири илјади се со тип 1. Проблемот со инсулинската терапија е надминат, но лековите кои спречуваат компликации ги има само за мал број на пациенти. Тие очекуваат дека наскоро ќе биде решен и овој недостаток.
Надлежните уверуваат дека ќе се прошират програмите за дијабтичарите. Тоа значи дека ќе добијат современа терапија и подобар медицински третман.
Претходната година дијабетичарите ја прогласија за најтешка бидејќи немаа терапија и беа оставени сами на себе да се снаоѓаат.
Ања Лукарова
